Michl's - Das Lokal für Fans

i bin net groß und i bin net kla
i sitz a nie im hawelka
und waun i wo andauernd hock
daun in petersdorf beim jüttner bock

i bin net koid und i bin net worm
i bin so wia i bin in form
und soit amoi nix einegeh
daun liegt des sicha net am schmäh

und manchmoi do hob i in mein hirn so krämpf
doch waun i’s net hätt war i net da kempf.

i denk wos i sog nur net umgekehrt
weu i sonst sehr boid einsam werd
und waun i wos erreichen mecht
daun stehn die chancen gor net schlecht

mei ehrgeiz und mei ungeduid
san an die meisten wickel schuid
nur waun i’s unterdrücken tät
i sicherlich mehr wickel hätt

und manchmoi do hob i in mein hirn so krämpf
doch waun i’s net hätt war i net da kempf.

i bin net sche und i bin net schiach
und weu i mi söba eh net siach
i manchmoi in mi eineschau
daun si’ch i mi fost zu genau

weu in mir brodelts und in mir brennts
meine nerven tanzen olle tänz
und waun i so manche stimmung dämpf
daun liegt des an die innren kempf

und manchmoi do hob i in mein hirn so krämpf
doch waun i’s net hätt war i net da kempf.

i bin net guad und i bin net schlecht’
i moch’s a net an jed’n recht
i bin heit so und morgn scho net
weu i sonst irgendwaun stehbleibn tät

i bin net groß und i bin net kla
i sitz a nie im hawelka
und waun i wo andauernd hock
daun in petersdorf beim jüttner bock

und manchmoi do bin i in mein hirn gaunz frei
und waun i’s net wär war’s mi’m kempf vorbei

by KEMPF 1997

Mehr Informationen: www.kempf.cc