Michl's - Das Lokal für Fans

De acht Jahre mitanand
Warn nix als zacher Wiederstand
Obwoi - g’liebt hab i di
Und umgekehrt du mi
Aba gsagt hast as net
Bled

Die Kinda hamma gmacht
Und i hab ma docht
Wast eh bei da Erstn, da Sarah
Vielleicht is ea doch ka Owizahra
...nur a stura Einidrahra

Die Anita schwärmt heit nu
Von eicham Ausflug mim Kanu
Am Neisiedlasee sats gfoan
Weils schee woar hast ma g’schworn
Du bleibst dahoam

Aba dann wirst ganga bist
Hab i ganz genau gwisst
Dast nur a saudeppada Trottl bist

Da bist gsessen
Bei der Bar und hast gsoffn und gessn
Wira trotzada Bua
Und a Angeber dazua
Weil die alle kennan
Und beim Spitznamen nennan

Mei ist der wichtig, hab i ma docht
Hat nu imma nix weida bracht
Aba i kenn di von vorn bis hint
Daham woart ja dein jüngstes Kind
Und des wird genauso deppad und frech
Rothoarig, rotzad – mit genausovü Pech

Aba des Lebm is ka Wunschkonzert
Des hat leida immer nur di so gstört
Weilst ois ham woitatst – und des imma gleich
Ohne Rücksicht auf mein Lebensbereich
Es hat weh tan, i man – du hast mi ghaut -
Vü mehr aber des Gschichtl mit der Yoga-Braut

Aba red ma nimma, es is ja vorbei
Gottseidank, denk i ma! Wobei...
Wiri di gseng hab - so voi spontan
Hats mi aussigrissn aus meim Lebensplan
Da wars - unser Liadl auf deine Lippn
Und dei Blick wie imma – auf meine Tittn

I hab gmerkt i gfoi da nu imma
Obwohl i blada woan bin wegen de Kinda
Und du bist zuaganga auf mi
Mei Herz war so zach wira Schaumgummi
Voi stü woars plötzlich im ganzn Lokal
Nur deppad tuschlt hat des Personal

De ham Angst ghabt, dass i di schlog
Net gwusst, dass i di eigentlich imma nu mog
Küssn hätt i di woin in dem Moment
Aba dein Herz ist wira Packl Trockenzement
„Wie geht’sn da...wie hast’s? Tamara?“
Da hab i gwusst: Du bist nur a bleda Einidrahra.

by Zenzi van Alm / alias Exile